Asturies LLibre

El Tribunal Supremu español vien d'anular l'alcuerdu plenariu de xunu de 2001 del Conceyu Nava pol que s'aprobaben les ordenances d'oficialidá del asturianu propuestes por Andecha Astur y llevaes a plenu pola Xunta Xestora Asturianista. El fallu ye firme y contra él yá nun hai recursos posibles. El Tribunal español ratificó asina la sentencia de 2005 del Tribunal Superior de Xusticia d'Asturias (TSXA) tres un recursu de la Delegació del Gobiernu español n'Asturies y escontra'l que namás Andecha Astur presentó un recursu de casación énte'l Tribunal Supremu.

Lleer el restu d'esta entrada

L'Autorización del votu n'Asturianu tuvo gran repercusión nos medios.

Nel día d’ayeri, sabíase que estes elleiciones van ser les primeres onde'l votu n'asturianu tea plena validez lo mesmo que'l votu en castellán tres algamar Andecha Astur la homologación de les sos papeletes na Llingua d'Asturies.

Los medios recueyen güei esti gran pasu:

El Comercio entitula entitula La junta electoral autoriza el voto en asturiano u escueye de subtitular «El que quiere puede hacer algo por la llingua, no como Gabino y sus chistes», dice Andecha.

La Voz de Asturias pela so parte entitula La Junta Electoral permite por vez primera el voto en asturiano La Nueva España ye más escueta y na so versión de papel dedica una notuca que parez que'l uebmaster nun creyó oportuno escolingar na versión dixital. L

a Noticia trespasó les nueses fronteres y el diariu ABC recueyela La Junta Electoral asturiana permitirá por primera vez votar con papeletas en bable.

N'internet el portal Terra tamién recueye la noticia Terra tamién recueye la noticia Junta Electoral permitirá por primera vez votación con papeletas en asturiano y ye que la axencia de noticies EFE distribuyó la noticia.

Siguiendo col internet, colos medios n'asturianu aparte d'Infoasturies namás Asturnews asoleyó la noticia, mientres Asturies.com nun recueye nada de la aceutación por primer vegada na historia del votu n'asturianu.

NOTICIA D'ASTURNEWS (www.asturnews.net)

Andecha Astur consigue homologar les papeletes n’asturianu pal Congresu y el Senáu

La decisión hestórica permite votar per primer vegada n'asturianu

Redacción.

Andecha Astur va emitir esta tarde un comunicáu ampliando la información, pero’l diariu dixital Asturnews pudo conocer yá en primicia les reacciones del representante d’esta formación énte la Xunta Electoral, Toño Martínez, a la decisión d’esta institución d’homologar les papeletes presentaes pola formación nacionalista d’esquierdes en llingua asturiana. Esta decisión supón, que per primer vegada na hestoria, va ser posible votar cola papeleta redactada n’asturianu.

Andecha Astur lleva años reclamando esti drechu y “yá nel añu 1995 nun nos presentemos por negásenos el drechu a presentamos n'asturianu” recuerda Martínez. Más tarde, en 1999, la formación algamó nel Tribunal Constitucional que se reconociera la posibilidá d’esti usu. Sicasí, va cuatro años tovía se declaron nulos dellos votos n’Asturies por tar n’asturianu, énte lo qu’Andecha Astur intentó “que constase n’acta que la razón fuere tar redactaes n’asturianu, cola negativa consiguiente”.

Les primeres impresiones de Toño Martínez dempués de recoyer les papeletes yá homologaes y la notificación del alcuerdu de la Xunta Electoral foi felicitase de que “Por fin va poder votase n’asturianu”. La notificiación de la Xunta Electoral recueye que “les papeletes asoleyaes por Andecha Astur pal Congresu y pal Senáu n’asturianu tán homologaes pa la so distribución”.

Amás, recuerden dende Andecha Astur, “Les papeletes presentaes por Andecha Astur son dafechu válides pa emitir el votu”, anque les del Senáu “nun van poder ofrecese nos colexos electorales”, al tar los candidatos d’Andecha Astur yá marcaos cola cruz.

Sicasí, les papeletes asoleyaes pola alministración siguen tando en castellán. Una cuestión que nel futuru podría camudar dempués d’esta decicisón de la Xunta Electoral. Un futuru que los representantes d’Andecha comenten “la verdá que nun sabemos tovía les repercusiones que pue tener nun futuru”.

Les elecciones del 9 de marzu de 2008 serán recordaes como les primeres nes que se puea votar n’asturianu.

Ún de los hinos más impresionantes...con sotitulos n'Asturianu.