Una delegación de Darréu participó nel alcuentru más importante de la mocedá independentista d’Euskal Herria, esti añu col llema Etorkizuna Independentzia (El futuru Independencia), que se cellebró en Lezo (Guipuzcoa) demientres los díes 21, 22, 23 y 24 de Marzu.

Pesie al mal tiempu, tolos actos pudieron cellebrase, nestos díes afitáronse les bones rellaciones col restu d’organizaciones de les delegaciones internacionales participantes nel eventu, del Estáu: Paisos Catalans, Castilla, Cantabria, Andalucía y Galicia; d’Europa: Sardinia, Italia, Alemaña, Suiza, Finlandia, Dinamarca, Portugal y Eslovenia; y de fora d’Europa: Venezuela y Palestina.

La delegación de Darréu punxo’l so puestu de material y tuvo en diferentes charres y alderiques: Procesu de costruición europea y los pueblos: derechu d’autodetermín, Movimientu anti globalización, Lluches a favor de la vivienda, Illysu dam: Kurdistan baxo l'agua, ¿Y la mocedá qué? Kamaradak!!. Amás los independentistes asturianos tovieron nel actu pa les delegaciones internacionales con miembros de Batasuna y Askatasuna, nuna rueda de prensa y tamién participaron nuna mesa redonda sobro’l movimientu feminista.

Miembros de Darréu tamién participaron na marcha independentista dende Irún a Hendaia entamada na conmemoración del Día de la Patria Vasca

El grupu mozu fala nun caduca nel conciertu antirepresivu entamáu por Sofitu -muerganismu antirepresivu popular- en solidariedá colos dos independentistes acusaos d'ultraxe a españa el pasáu 18 de xineru n'Uviéu.