Andecha propón un manifestamientu conxuntu’l Día la Nación Asturiana.
asturiesllibre 01-09-2008 GTM 1 @ 11:33 Tags: andecha dia+nacion+asturiana 8+setiembe
Andecha envió una carta estos díes a diferentes organizaciones polítiques y sociales ufriendo la posibilidá de manifestáse conxuntamente n’Uviéu l'ochu.
Énte l’aprosimación d’un nuevu Día de la Nación Asturiana, Andecha Astur unvió una carta a diferentes organizaciones sociales y polítiques ufiertando la posibilidá de manifestase de forma conxunta'l 8 de setiembre na capital d'Asturies
Andecha Astur camienta "qu’a les reinales condiciones socio-económiques y de represión llingüística y cultural, améstase la prósima aprebación d’una segunda reforma del “Estatuto de autonomía para el Principado” que non sólo supondrá afondar nun marcu xurídicu-políticu y económicu perxudicial enforma pa los intereses del conxuntu del Pueblu Asturianu, sinon y sobro too, supondrá que de nueo impondrásenos una istitución, el “Principado” y un estatutu d’autonomía qu'enxamás nun se-yos permitió a los asturianos la posibilidá de refrendar o refugar". Ello asina, la organización d'izquierda nacionaliega piensa qu’el momentu que mos afayamos "obliga al conxuntu de la sociedá asturiana, y especialmente a les formaciones sociales y polítiques asturianes, a facer un esfuerzu conxuntu p’arreyar fuercies y superar la situación predemocrática na que mos atopamos", y fai un llamáu "a la xunidá d’aición de toes elles", plantegándose la cellebración d’esti Día de la Nación Asturiana "comu puntu d’arranque".
Andecha Astur anunció la so voluntá de cellebrar el día 8 "de forma vindicativa" n’Uviéu con un manifestamientu que va salir a les 13h. de la Estación del Norte y va finar na plaza Porlier con un actu políticu. Nesi sen, Andecha ufierta comu propuesta "pragmática y viable" la cellebración "conxunta y de forma eminentemente reivindicativa d’esti día nacional", too ello, siendo coscientes de la esistencia anguaño "d’unes condiciones polítiques que nun propicien plantegar la cellebración xunitaria d’esti Día".
La propuesta plantegada ye qu’esti 8 setiembre, "les formaciones sociales y polítiques asturianes faigamos el manifestamientu conxuntu, convocando nel mesmu espaciu y tiempu, faciendo caún la so propia convocatoria y emplegando los sos propios lemes, de tala miente que les diferiencies esistentes nel movimientu socio-políticu asturianu nun torguen la necesaria espresión de fuercia y voluntá d’entendimientu".
A esta propuesta, Andecha amiesta la posibilidá de que toles formaciones participantes pudieren llegar a un "testu conxuntu pa la so llectura tres la movilización, cola mayor xenerosidá y amplitú de mires posible, pero ensin qu’ello suponga denguna condición previa".
En cualisquier casu, Andecha Astur reitera la so voluntá d'aportar a una "xunidá d'aición del movimientu socio-políticu asturianu y afita dende equí la so dimposición a apautar cuantes propuestes reciba nesi sen, y a siguir proponiendo iniciatives que permitan meyorar la capacidá d’organización y rempuesta de la sociedá asturiana énte les contines agresiones que vien careciendo".
Fonte: InfoAsturies
Esbilla
del.icio.us
Aburriu toi d'Andecha y les manipulaciones y les payes mentales. La hestoria del nacionalismu coloca a los "dirixentes" d'esta organización mui lloñe de cualquier credibilidá que vaiga nel sentíu de xunir fuercies.
Esto nun ye mas qu'una comedia pa engañabobos y pa poder vender argumentos sobre la grandiosidá d'Andecha a la so xente más mozo, que nun sabe de que foi y de que va la pelicula, y como prueba ye que se presenta dalgo asina diez díes enantes del 8 setiembre.
Vomitivu.
Aburriu de los aburrios, porque los aburrios son los que menos trabayen, andecha, a pesar de ser, como tu dices, una cospiranoide xudeo masónica, progal en pro del capitalismu ya imperialismu yanki, ye la única, qu´a pesar de les que pasó por culpa de xente aburria, sigui trabayando, y sigui con presencia nes cais, y pali que pali, la xente, pola ausencia de trabayu d´otres organizaciones, va escaeciendoles, por suerte. Yá llegará el 1 de Xineru del 2011 y-yos entrará l´afoguín.
Pero alma de dios! presencia en que cai? La única presencia que tengais ye debaxu les alcantarilles escondidos a la espera del toque de trompeta pa entamar la revolución talibana infracadármada en concentramientos/manifestamientos sopelexaos pola esencia nacional asturiana representada na ridicula y penosa soberbia de vuesos dirixentes. Ún de los sintomes de la sobervia ye la sobrevaloración de lo propiu, creyendo que ye la ostia, cuando en rialida nun lo ye, y d'eso la xentaca que forma la executiva d'Andecha sobra-y abondo.
Y esa propuesta nun ye mas que pa engañar a los tontinos pa llavase la cara frente a la so militancia mas moza que nun sabe de que va la historia. ¿Porqué se presenta una propuesta asina a diez díes del 8 setiembre cuando tolos demás partidos ya tienen organizaos los sos actos? Respuendeme a esta pregunta, por favor.
Y non, nun ye qu'Andecha represente tolos males y seya l'enemigu de toos, pero ye que col pasu los años equi conocemonos toos, somos bien pocos, y ya sabemos quien ye quien y s'entiende meyor la razon de facer les coses. Si aguantes nesti mundiu, col tiempu daraste cuenta de munches coses.