El Tribunal Supremu español vien d'anular l'alcuerdu plenariu de xunu de 2001 del Conceyu Nava pol que s'aprobaben les ordenances d'oficialidá del asturianu propuestes por Andecha Astur y llevaes a plenu pola Xunta Xestora Asturianista. El fallu ye firme y contra él yá nun hai recursos posibles. El Tribunal español ratificó asina la sentencia de 2005 del Tribunal Superior de Xusticia d'Asturias (TSXA) tres un recursu de la Delegació del Gobiernu español n'Asturies y escontra'l que namás Andecha Astur presentó un recursu de casación énte'l Tribunal Supremu.

Les dos sentencies declaren nulu, "por nun ser conforme a derechu", l'alcuerdu plenariu de 8 de xunu de 2001 nel que se aprobaron les ordenances municipales sobre la oficialidá de la llingua. Foi la Delegación del Gobiernu español n'Asturies, en 2001 con Mercedes Fernández (PP) al frente quien presentó un recursu contra l'alcuerdu plenariu.

El fallu del Supremo ratifica la sentencia dictada pol TSJA señalando que "no existe ninguna declaración en el Estatuto de Autonomía que disponga que el bable tiene el carácter de lengua oficial en Asturias". El tribunal español recordó que "las corporaciones locales carecen de competencia para declarar la oficialidad de una lengua, dentro o más allá de los límites del municipio".

Daniel Cueli, voceru d'Andecha Astur en Nava, calificó la sentencia como "un actu represivu más", amestando que "nun ye entendible que la equiparación de los derechos llingüíticos de los vecinos y vecines d'un conceyu seya illegal, que la igualdá sea illegal, que la democracia mesma seya illegal n'Asturies". Cueli fizo finca en que la falta d'oficialidá xenera problemes democráticos, "l'exemplu ye qu'un conceyu asturianu nun pue regular, nunes ordenances municipales, la igualdá de derechos de los sos vecinos y vecines y la igulaadá de tratu de la llingua d'Asturies y del castellán". El voceru d'Andecha Astur en Nava criticó que namás Andecha punxere el recursu de casación y que'l Conceyu "el primer interesáu en defender los sos alcuerdos y los derechos de los vecinos"nun ficiere res, recordando que'l PSOE aprobó les ordenances en 2001 colos sos votos. Andecha Astur va asoleyar una valoración oficial nes prósimes hores.

Pa Asturianistes por Nava el fallu "desprotexe a la cultura asturiana y la llingua qu'usa 'l pueblu". El conceyal Emilio Ballesteros recordó que "l'asturianu nun ye un problema, porque ye como fala davezu la xente, pero decisiones d'esti calter son les qu'enquisten la situación y xeneren un problema alredor de la llingua".

Dende'l PP, el voceru José María Osoro defendió la sentencia al recordar que si nun hai un Estatutu d'Autonomía que faiga referencia al asturianu, "un conceyu nun pue declarar la oficialidá".

Les ordenances aprobaes en 2001 permitíen a los vecinos "relacionase col ayuntamientu n'asturianu o n'español", amás de recibir les notificaciones municipales nestes dos llingües.

http://www.infoasturies.net/index.php?option=com_content&view=article&id=1926:el-tribunal-supremu-espanol-anula-la-oficialida-en-nava&catid=42:represion&Itemid=63

Comments

MANIFIESTU REPÚBLICA ASTURIANA

1) Asturies vive nuna situación antidemocrática dafechu, na que los valores republicanos y los derechos sociales y nacionales vienen siendo negaos y xabazmente reprimíos per parte del estáu español, formáu en Reinu.

2) Una de les espresiones sociales más significatives d'esti fechu ye la denomación institucional d'Asturies como "Principado", figura política impuesta a esti Pueblu qu'afala'l vasallaxe y el servilismu a una institución arcaica, elitista y antidemocrática cola qu'Asturies y les asturianes y asturianos nada ganamos nin tenemos nada que ver.

3) Oponémonos a cualquier tipu de réxime monárquicu, por ser ésti'l paradigma de la desigualdá social y la falta de derechos con impunidá llegal. Tampoco podemos escaecer que la designación del monarca español foi fecha durante'l franquismu, siendo ésti designáu y coronáu a deu directamente pol propiu dictador, ensin qu'entá viéremos enfotu dalu nesta institución predemocrática por pedir perdón tres cuarenta años de fascismu xenocida col beneplácitu del sistema llegal 'constitucional' actual.

4) Denunciamos el compromisu col capitalismu xabaz, asesín de tolos pueblos del mundu, que remanez de la monarquía española, siendo ésta garante de la defensa de les clases privilexaes y de la desigualdá económica, social y de derechos. Refugamos, tamién, les actitúes machistes, homófobes, represores y censores que surden dende la monarquía española, qu'afiten, una vegada más, el so orixe feudal y arcaicu, comportamientos mui estremaos a los que defendemos nosotres y nosotros.

5) Consideramos una humildación a Asturies la cellebración de los 'Premios Príncipe de Asturias', considerándolos una coartada pa 'llavar la cara' internacionalmente a la monarquía, faciéndola pasar por institución moderna y que respeta la cultura, visión mui alloñada d'una, muncho más cercana a la realidá, de 'familia de vividores a sueldu de toes y toos' que conocemos perbién y manipulando al traviés de los medios españolistes, al tiempu, la imaxe de la sociedá asturiana. Poro, nun podemos dexar de pidir la crítica pa los galardonaos por estos 'premios de pandereta', que faen el xuegu cómpliz a la monarquía española, nin dexar d'ablucar y protestar, tampoco, polos costes de les fartures 'reales' a cargu de los nuestros impuestos –nestos tiempos de crisis– , asina como de la situación d'estáu y ocupación militar y policial ostentoria que nel nuestru país se xenera con cualaquier 'visita' de los miembros d'esa familia 'real'.

6) Queremos afitar dende agora mesmo la necesidá d'articular y crear un movimientu republicanu asturianu que lluche pola lliberación d'esti país y refugue cualquier tipu d'opresión nacional y social, como la que constitúi la monarquía española y cualquier réxime monárquicu. Asina, namás entendemos un cambiu de modelu de país pa construyir una República Socialista asturiana onde los valores republicanos d'igualdá, llibertá, accesu a la cultura y llaicismu seyan los finxos que caltengan la nuestra llucha por una Asturies xusta y un mundu de pueblos llibres.

¡¡PUXA LA REPÚBLICA ASTURIANA, SOCIALISTA Y SOBERANA!!

Comments

Yá queda bien poco pa una nueva edición del Día de la Mocedá Revolucionario y la mocedá independentista calienta motores pa una xornada histórica de vindicación y conmemoración nel 74 anversariu de la Revolución Asturiana de 1934.

Les actividaes entamen esti vienres cola receición de les delegaciones internacionales y la cellebración d'un conceyu d'organizaciones en Llangréu y una espicha internacionalista nel Llar d'Andecha de Noreña.

Yá'l sábadu, el propiu Día de la Mocedá Revolucionario 2008, amás del mural conmmorativu, a les 19:00 hores (Parque Nuevu) la mocedá independentista tien conocada una mani peles cais de Llangréu col llema "Nin reforma nin Estatutu: Revolución".

Al acabu la mani va tener llugar l'avezáu homenaxe a Belarmino Tomás y a los y les revolucionaries (cai Belarmino Tomás).

Pa rematar la xornada col VII Conciertu "Asturies nun escaez" col actución de Soziedad Alkoholika, Escuela de Odio, Gomeru, Brigada y FalaNonCaduca.

La venta d'entraes va a perbón ritmu y van poder conseguise fasta'l vienres (inclusive) nos puntos de venta yá asoleyaos.

Más información: DARREU.ORG

VER MAPA ACTOS DMR'08

Comments

Más información: www.darreu.org

Comments

Más información: www.darreu.org

Comments

Comments

Andecha envió una carta estos díes a diferentes organizaciones polítiques y sociales ufriendo la posibilidá de manifestáse conxuntamente n’Uviéu l'ochu.

Énte l’aprosimación d’un nuevu Día de la Nación Asturiana, Andecha Astur unvió una carta a diferentes organizaciones sociales y polítiques ufiertando la posibilidá de manifestase de forma conxunta'l 8 de setiembre na capital d'Asturies

Andecha Astur camienta "qu’a les reinales condiciones socio-económiques y de represión llingüística y cultural, améstase la prósima aprebación d’una segunda reforma del “Estatuto de autonomía para el Principado” que non sólo supondrá afondar nun marcu xurídicu-políticu y económicu perxudicial enforma pa los intereses del conxuntu del Pueblu Asturianu, sinon y sobro too, supondrá que de nueo impondrásenos una istitución, el “Principado” y un estatutu d’autonomía qu'enxamás nun se-yos permitió a los asturianos la posibilidá de refrendar o refugar". Ello asina, la organización d'izquierda nacionaliega piensa qu’el momentu que mos afayamos "obliga al conxuntu de la sociedá asturiana, y especialmente a les formaciones sociales y polítiques asturianes, a facer un esfuerzu conxuntu p’arreyar fuercies y superar la situación predemocrática na que mos atopamos", y fai un llamáu "a la xunidá d’aición de toes elles", plantegándose la cellebración d’esti Día de la Nación Asturiana "comu puntu d’arranque".

Andecha Astur anunció la so voluntá de cellebrar el día 8 "de forma vindicativa" n’Uviéu con un manifestamientu que va salir a les 13h. de la Estación del Norte y va finar na plaza Porlier con un actu políticu. Nesi sen, Andecha ufierta comu propuesta "pragmática y viable" la cellebración "conxunta y de forma eminentemente reivindicativa d’esti día nacional", too ello, siendo coscientes de la esistencia anguaño "d’unes condiciones polítiques que nun propicien plantegar la cellebración xunitaria d’esti Día".

La propuesta plantegada ye qu’esti 8 setiembre, "les formaciones sociales y polítiques asturianes faigamos el manifestamientu conxuntu, convocando nel mesmu espaciu y tiempu, faciendo caún la so propia convocatoria y emplegando los sos propios lemes, de tala miente que les diferiencies esistentes nel movimientu socio-políticu asturianu nun torguen la necesaria espresión de fuercia y voluntá d’entendimientu".

A esta propuesta, Andecha amiesta la posibilidá de que toles formaciones participantes pudieren llegar a un "testu conxuntu pa la so llectura tres la movilización, cola mayor xenerosidá y amplitú de mires posible, pero ensin qu’ello suponga denguna condición previa".

En cualisquier casu, Andecha Astur reitera la so voluntá d'aportar a una "xunidá d'aición del movimientu socio-políticu asturianu y afita dende equí la so dimposición a apautar cuantes propuestes reciba nesi sen, y a siguir proponiendo iniciatives que permitan meyorar la capacidá d’organización y rempuesta de la sociedá asturiana énte les contines agresiones que vien careciendo".

Fonte: InfoAsturies

Comments

Andecha Astur denuncia una programación elitista y asturianófoba y atalanta que tala filosofía, propia del PSOE n’Asturies, parte de la bas de que ná asturiano ye bono, nin la nuesa cultura nin los nuesos profesionales, entrando na dinámica -tamién denunciada polos profesionales asturianos del teatru- de formar a xóvenes actores y actrices, músicos o baillarines, pa llueu obligalos a emigrar, mentes «Laboral Escena» absorve una gran parte del presupuestu asturianu de cultura pa pagar y desendolcar les artes escéniques d’otres comunidaes del Estáu español.

D'otra miente Andecha Astur camienta que, siendo la Llaboral l’únicu teatru «autonómicu» esistente n’Asturies y las especiales carauterístiques que reune, faenlu idóniu p’aniciar un Cientru Dramáticu Nacional Asturianu que dea xuéu y puxu a toles enerxíes creatives esistentes n’Asturies, plantegándose tanto la proyeición de produciones propies comu l’aniciu y ampliación de públicos tanto del nuesu país comu de fuera del mesmu. Parezmos una propuesta perbona reclamar la Llaboral comu sitiu perafayaizu pal aniciu d’un Cientru Dramáticu Nacional Asturianu.

SI AL CENTRU DRAMATICU NACIONAL ASTURIANU
NOIN A PROYEUTOS ELITISTES Y ASTURIANOFOBOS.

Comments

Pesie al mal tiempu, tolos actos pudieron cellebrase, nestos díes afitáronse les bones rellaciones col restu d’organizaciones de les delegaciones internacionales participantes nel eventu, del Estáu: Paisos Catalans, Castilla, Cantabria, Andalucía y Galicia; d’Europa: Sardinia, Italia, Alemaña, Suiza, Finlandia, Dinamarca, Portugal y Eslovenia; y de fora d’Europa: Venezuela y Palestina.

La delegación de Darréu punxo’l so puestu de material y tuvo en diferentes charres y alderiques: Procesu de costruición europea y los pueblos: derechu d’autodetermín, Movimientu anti globalización, Lluches a favor de la vivienda, Illysu dam: Kurdistan baxo l'agua, ¿Y la mocedá qué? Kamaradak!!. Amás los independentistes asturianos tovieron nel actu pa les delegaciones internacionales con miembros de Batasuna y Askatasuna, nuna rueda de prensa y tamién participaron nuna mesa redonda sobro’l movimientu feminista.

Miembros de Darréu tamién participaron na marcha independentista dende Irún a Hendaia entamada na conmemoración del Día de la Patria Vasca

Comments

Entrevista asoleyada n'InfoAndecha, muérganu escritu d'información d'Andecha Astur, nel so númberu 5, correspondiente al mes de Febreru de 2008. Reprodicía en Infoasturies.

El candidatu al congresu, Bruno Gómez nació en Xixón, tien 25 años y ye Téunicu Superior n'Animación d'Actividaes Fisico-deportives y miebru de la organización xuvenil Darréu y del sindicatu CSI.

Pela so parte, Pablo Pérez, candidatu al Senáu, ye Llicenciáu en Bioloxía y ye miembru tamién de Darréu y preside l'Asociación Cultural Bilortu. Ambos con cuasi una decena d'años de trabayu n'Andecha Astur.

¿Por qué se presenta Andecha Astur a estes elleiciones?

Bruno Gómez: en cada foru , en cada alderique, en cada procesu onde’l futuru del nuesu país tea en xuegu, la izquierda nacionaliega tien de tar presente apurriendo’l so discursu firme y coherente na defensa de los nuesos intereses y drechos comu presones y comu pueblu. Cada asturiana y asturianu que creya nuna Asturies estremada, con capacidá d’escoyer llibremente el so futuru, onde se sofite y s’afale la llingua y cultura propies, onde se puea vivir y trabayar dignamente, una Asturies onde los intereses económicos nun desanicien el padrimoniu natural y cultural, un país de ciudadanos y ciudadanes llibres, esos asturianos y asturianes tienen el drechu a tener un opción política que los represente y seya vocera del so naguar. Esa organización política ye Andecha Astur.

Pablo Pérez: coincido con Bruno, y prestaríame amestar, amás, qu’Andecha Astur preséntase a les elleiciones estatales col enfotu de qu’aquelles persones que creyan nun modelu de facer política que consiste en vivir pa la política y non de la mesma, n’emancipase y formase y non en manipular y delegar, puedan votar y sentise dignos cola so decisión, torgando’l cayer na tentación de votar a partíos-empresa que saben que nun los representen pero que, a falta d’otra cosa... Poro, dirixímonos al Pueblu Trabayador Asturianu horizontalmente, cara a cara, ensin tapuxos nin elleutoralismos.

¿Cómu se ve dende la mocedá la situación d’Asturies?

Bruno Gómez: la mocedá asturiano vive una situación perdifícil ya que nun solo carez los problemes y la falta de drechos común al restu d’asturianos y asturianes, sinón qu’arriendes d’ello, ye víctima cimera de la llaceriosa situación llaboral na que mos atopamos. A los miles de mozos y moces que ca añu se ven obligaos a colar d’Asturies a la gueta d’un trabayu pa poder vivir y que son despreciaos y humildaos pol gobiernín de turnu hai que sumar otros miles que, trabayando n’Asturies, ven comu la precariedá, la esplotación y la discriminación sesista que carecen, xunto col preciu descomanáu de la vivienda y los bienes de primera necesidá, impíde-yos emancipase y tener una vida digna. Como militante d’Andecha Astur, y tamién de Darréu, afalo a la mocedá a organizase y lluchar persabiendo que’l futuru del nuesu pueblu decídese anguañu y que dende una mocedá comprometío y puxante podemos empobinalu haza los finxos de la soberanía nacional y la xusticia social.

Pablo Pérez: per un llau, hai que falar de cuála ye la situación d’Asturies y llueu de cómo la percibe la mocedá. La situación d’Asturies que se denucia ye básicamente’l desaniciu cultural y llaboral tanto nos aspeutos individuales (lo personal) comu colleutivos (comu pueblu), comu bien diz Bruno. Hai que dicir tamién que nun too ye prieto y entá tamos a tiempu d’iguar dalgunes coses, pero tiempu tampocu sobra. Sicasí, quiero poner enfotu en que tovía tenemos posibilidaes de construyir un futuru, pesie a los políticos que mos gobiernen n’Asturies y dende Madrí, y en dengún casu gracies a ellos. La mocedá nun ye un coleutivu homoxéneu, polo que voi retrucar qué ye lo que creyo que piensa la mocedá a la qu’Andecha Astur, y Darréu, mos diriximos, que ye la mocedá revolucionario, la qu’enfrenta y non afronta la rialidá na que vive, la que tien el determín de cambiala. Esta mocedá creyo que tea pensando coses tipu: ¿cómu da-y rempuesta a esta situación?, ¿cómu facer qu’esto cambie mentantu vivo y sobrevivo, y me formo y me preparo?, ¿cómu desplazar del poder a los poderosos?, ¿cómu facelo y nun ser aplastáu pol sistema?, ¿ónde y cómu puedo aportar el mio granín d’arena pa tresformar esta realidá?. Imaxino qu’estes sedrán delles de les entrugues qu’anden pela tiesta de la mocedá revolucionario mentantu enfrenten les milenta lluches personales que mos afeuten a toes, y el acosu d’una sociedá capitalista que-yos dexise parir una solución pa seguir calteniendo una corte de bárbaros espoliadores. Lo que tengo ñidio ye que, amás de pensar nestes coses, la mocedá revolucionario ta faciendo y ta organizándose: xorrez la música peles cunetes, hai lliteratura a maza martiellu, les paredes falen, les cais berren…